http://ir.lib.seu.ac.lk/handle/123456789/5833 2021 Mon, 27 Apr 2026 14:21:41 GMT 2026-04-27T14:21:41Z http://ir.lib.seu.ac.lk/handle/123456789/5850 Title: இலங்கையின் பொருளாதார வளர்ச்சியின் மீது COVID -19 முன்னரும் பின்னருமான சுற்றுலாத்துறையின் தாக்கம்: Granger காரண காரிய தொடர்பு Authors: Joseph Jerusha, Ranjan; Jeyapiratheeba, A. Abstract: COVID-19 இன் காரணமாக உலகின் அனைத்து பொருளாதாரங்களும் பாரிய சவாலை எதிர்கொண்டு வருகின்றன. அதிலும் COVID-19 தாக்கத்தின் விளைவாக உலகலாவிய ரீதியில் சுற்றுலாத்துறையானது பெரிதும் பாதிப்பிற்குள்ளாகியுள்ளமை குறிப்பிடத்தக்கது. அவ்வகையில் இவ்வாய்வானது COVID-19 தாக்கத்திற்கு முன்னரும் பின்னருமான இலங்கை பொருளாதார வளர்ச்சியில் சுற்றுலாதுறை ஏற்படுத்தியுள்ள தாக்கம் பற்றி ஆய்வு செய்வதாக அமைந்துள்ளது. இங்கு ஆய்வானது விபரண ஆய்வாக வரைபடங்கள் மற்றும் எதிர்வு கூறல்கள் என்பவற்றினூடாக விளக்கப்பட்டுள்ளதோடு இங்கு 1995-2019 ஆம் ஆண்டு காலப்பகுதிக்கான மொத்த உள்நாட்டு உற்பத்திக்கும் சுற்றுலாத்துறை வருமானத்திற்கும் இடையிலான தொடர்பினை உறுதி செய்வதற்கு Granger சோடிவாரியான காரண காரியச் சோதனை மெற்கொள்ளப்பட்டுள்ளன, அவ்வகையில் இங்கு சார்ந்த மாறியாக பொருளாதார வளர்ச்சியும் சாராமாறியாக சுற்றுலாத்துறை வருமானம் என்பவற்றை அடிப்படையாகக் கொண்டு Minitab போன்ற மென்பொருட்கள் பயன்படுத்தப்பட்டு முடிவுகள் பெறப்பட்டுள்ளன. முடிவுகளின் அடிப்படையில் சுற்றுலாத்துறை வருமானமானது மொத்த உள்நாட்டு உற்பத்தியின் மீது ஒரு வழி காரணகாரிய தொடர்பை கொண்டுள ;ளது என கண்டிறியப்பட்டுள்ளதுடன் ஊழுஏஐனு-19 நோய் பரவலானது சுற்றுலாத்துறை வருமானத்தில் தாக்கம் செலுத்தியுள்ளதுடன், சுற்றுலாத்துறை வருமானத்தின் வீழ்ச்சியானது பொருளாதார வளர்ச்சியின் மீது தாக்கம் செலுத்தியுள்ளமையும் கண்டறியப்பட்டுள்ளது. Mon, 01 Nov 2021 00:00:00 GMT http://ir.lib.seu.ac.lk/handle/123456789/5850 2021-11-01T00:00:00Z http://ir.lib.seu.ac.lk/handle/123456789/5849 Title: சீனாவின் சுற்றுலாத்துறை கேள்வியின் மீது காபன் ஒக்ட்சைட் வெளியேற்றம் மற்றும் எண்ணெய் விலை ஆகியவற்றின் பங்கு Authors: Vasantha, V.; Maheswaranathan, S. Abstract: சீனாவின் பொருளாதாரத்தில் சுற ;றுலாத்துறை முக்கியமான இலாபத்தை ஈட்டித் தரும் ஒரு துறையாகக் காணப்படுகின்றது. எனவே இவ்வாய்வானது சீனாவின் சுற்றுலாதுறை கேள்வி மீது காபன் ஒக்ட்சைட் வெளியேற்றம் மற்றும் எண்ணெய் விலை ஆகியவற்றின் தாக்கத்தினை ஆராய்வதை நோக்கமாகக் கொண்டு காணப்படுவதோடு மாறிகளுக்கிடையிலான காரண காரியத் தொடர்பினைக் கண்டறிவதாகவும் காணப்படுகின்றது. உலக வங்கி வலைத்தளத்தில் இருந்து பெறப்பட்ட 1995-2022 ஆம் ஆண்டு வரையான காலப்பகுதியினைக் கொண்ட 28 ஆண்டுத் தரவுகள் இவ்வாய்வுக்காகப் பயன்படுத்துப்பட்டுள்ளதோடு, சார்ந்த மாறியாக சுற்றுலாத்துறைமீதான வருமானமும், சாரா மாறிகளாக திரவ எரிபொருள் நுகர்வில் இருந்தான காபன் ஒக்ட்சைட் வெளியேற்றம் மற்றும் ழுPநுஊ எண்ணெய் விலை என்பனவும் பயன்படுத்தப்பட்டுள்ளது. மாறிகளுக்கான சில ஆண்டுத் தரவுகள் Minitab 17 மென்பொருளின் உதவியோடு பெறப்பட்டுள்ள அதேவேளை பகுப்பாய்வுகளுக்காக Excel, E-Views 10 மென்பொருட்களும் பயன்படுத்தப்பட்டுள்ளன. கூட்டொருங்கிணைந்த பிற்செலவுப் பகுப்பாய்வு மற்றும் காரணகாரியச் சோதனை பகுப்பாய்வு முடிவுகளின் படி, காபன் ஒக்ட்சைட் வெளியேற்றம் மற்றும் எண்ணெய் விலை ஆகியவை நீண்ட காலத்தில் புள்ளிவிபர ரீதியாக சுற்றுலாத்துறைக் கேள்வியின் மீது 1 வீத பொருண்மை மட்டத்தில் புள்ளிவிபர ரீதியாகப் பொருளுள்ள வகையில் நேர்க்கணியத் தாக்கத்தினைக் கொண்டுள்ளமை கண்டறியப்பட்டுள்ளது. அதேவேளை 10 வீத பொருண்மை மட்டத்தில் சுற்றுலாத்துறை வருமானத்திலிருந்து எண்ணெய் விலைக்கு ஒரு வழி காரண காரியத் தொடர்பானது காணப்படுகின்றது எனவும் கண்டறியப்பட்டுள்ளது. எனவே காபன் ஒக்ட்சைட் வெளியேற்றம் மற்றும் எண்ணெய் விலை என்பன தொடர்பாக சரியான கொள்கைத் தீர்மானங்களின் ஊடாக சீனாவின் சுற்றுலாத்துறை விருத்தியை மேம்படுத்த கொள்கை வகுப்பாளர்கள் கவனம் செலுத்த வேண்டும் எனவும், எதிர்கால ஆய்வுக்காக சில விடயங்களும் பரிந்துரைக்கப்பட்டுள்ளன. Mon, 01 Nov 2021 00:00:00 GMT http://ir.lib.seu.ac.lk/handle/123456789/5849 2021-11-01T00:00:00Z http://ir.lib.seu.ac.lk/handle/123456789/5848 Title: கிழக்கிலங்கை முஸ்லிம்களின் பழமொழிகளில் அறபு மொழிச் செல்வாக்கு: “இலங்கை கிராமத்து முஸ்லிம்களின் பழமொழிகள்” நூலை துணையாகக் கொண்ட ஆய்வு Authors: தாலிப், எம். Abstract: இலங்கை முஸ்லிம் சமூகம் தனித்துவமான பழமொழி இலக்கியத்தை கொண்டிருக்கின்றனர். ஏனைய முஸ்லிம் இலக்கிய வடிவங்களைப் போலவே முஸ்லிம்களின் பழமொழிகளும் அறபு மொழி செல்வாக்குப் பெற்றுள்ளன, இவ்விடயம் இன்றைய இலங்கைச் சூழலில் முக்கிமானதொரு பேசுபொருளாக மாறியுள்ளது. இலங்கையின் அரசியல் மற்றும் சமூக வெளியில் அறபு மொழி தொடர்பிலும், முஸ்லிம்களின் சமய, கல்வி, கலை கலாசார அம்சங்களில் அதன் பின்புலம் தென்படுகின்றமையும் ஏனைய சமூகத்தாரிடையே பல்வேறு வாதப் பிரதிவாதங்களை ஏற்படுத்தியுள்ளது. இவ்வாய்வு, இலங்கை முஸ்லிம்களின் மொழி வழக்கில் அறபு மொழி செல்வாக்குச் செலுத்த ஏதுவாகிய காரணிகளை கண்டறிந்து, முஸ்லிம்களின் பழமொழிகளில் காணப்படும் அறபு மொழிச் சொற்களை வெளிப்படுத்தி, அதன் கருத்துக்களை இஸ்லாமிய, அறபு இலக்கிய மூலாதாரங்களுடன் ஒப்பிட்டு நோக்குவதை இலக்காகக் கொண்டுள்ளது. இதற்காக விவரண மற்றும் பகுப்பாய்வியல் முறைகள் பயன்படுத்தப்பட்டன. இவ்வாய்வுக்காக கவிஞர் எஸ். முத்துமீரானின் “இலங்கை கிராமத்து முஸ்லிம்களின் பழமொழிகள்” எனும் நூலிலிருந்து, ஆய்வாளரினால் அட்டவணைப் படுத்தப்பட்ட முப்பது பழமொழிகளில், எளிய எழுமாற்று மாதிரியெடுப்பு முறையைப் பயன்படுத்தி 05 பழமொழிகளை ஆய்வுக்காக எடுத்து, அறபு இலக்கிய மூலாதாரங்களில் குறித்த சொற ;கள் பயன்படுத்தியுள்ள பாங்கினை ஆய்வாளர் ஒப்பிட்டு விளக்குகின்றார். இவற்றை, தமிழில் பாவனையில் உள்ள அறபுச் சொற்கள், தமிழுக்கு மொழிபெயர்க்க முடியாத சொற்கள், தமிழுக்கு மொழிபெயர்க்கத்தக்க சொற்கள், மறைமுகக் கருத்தில் பயன்படுத்தப்பட்ட சொற்கள் என வகைப்படுத்தலாம். அத்துடன், சில பழமொழிகளில் இரு அறபுச் சொற்களும் பயன்படுத்தப்பட்டுள்ளன. Mon, 01 Nov 2021 00:00:00 GMT http://ir.lib.seu.ac.lk/handle/123456789/5848 2021-11-01T00:00:00Z http://ir.lib.seu.ac.lk/handle/123456789/5847 Title: ஹதீஸ் இலக்கியத்தை கவிதை வடிவில் மொழிபெயர்ப்புச் செய்தலின் சாத்தியத்தன்மை கவிஞர் எம். எச். எம். புஹாரி பலாஹியின் “புஹாரியின் பொன்மலர்கள்” நூலை துணையாகக் கொண்ட ஆய்வு Authors: மீரா முகைதீன், எச். எல். Abstract: இலங்கை முஸ்லிம்கள் தமிழ் மொழியையும் இஸ்லாமிய இலக்கியங்களையும் வளர்த்தெடுப்பதில் காத்திரமான பங்களிப்பினை வழங்கியுள்ளனர். முஸ்லிம்கள் அறபு மொழியில் அமைந்துள்ள தமது சமய இலக்கியங்களை தாய்மொழியான தமிழுக்கு மொழிபெயர்ப்பதில் கூடுதல் கவனம் செலுத்தினர். அந்த வகையில், காத்தாங்குடியைச் சேர்ந்த கவிஞரும் இஸ்லாமிய அறிஞருமான மௌலவி எம்.எச்.எம். புஹாரி பலாஹி அவர்கள் ‘புஹாரீயின் பொன்மலர்கள்’ எனும் மொழிபெயர்ப்பு கவிதைத் தொகுதி முக்கிய ஒன்றாகும். ஹதீஸ்களை கவிதை நடையில் மொழிபெயர்க்கும் போது மொழியியல், கவித்துவம் மற்றும் சமயம் சார்ந்த பிரச்சினைகள் எழுகின்றன. எனவே இவ்வாய்வு, ஹதீஸ் இலக்கியத்தை மொழிபெயர்ப்புச் செய்வதில் மொழிபெயர்ப்பாளர் எதிர்கொள்ளும் பிரச்சினைகளை கண்டறிந்து, அதனைத் தீர்ப்பதையும் கவிஞரும் மொழிபெயர்ப்பாளருமான மௌலவி எம்.எச்.எம். புஹாரி பலாஹியின் இலக்கியச் செயற்பாடுகளை அறிமுகம் செய்து அவரது “புஹாரீயின் பொன்மலர்கள்” மூலம் குறித்த பிரச்சினைகளுக்கான தீர்வுகளைப் பெற முனைதலையும் இலக்காகக் கொண்டுள்ளது. இதற்காக விவரண மற்றும் பகுப்பாய்வியல் முறைகள் பயன்படுத்தப்பட்டன. ஸஹீஹுல் புஹாரியில் தேர்ந்தெடுக்கப்பட்ட 500 ஹதீஸ்களை கவிதை வடிவில் தமிழுக்கு மொழிபெயர்த்துள்ள கவிஞர் தம் மொழிபெயர்ப்புச் செயற்பாட்டில் சொல்லுக்குச் சொல் மொழிபெயர்த்தல், தழுவல், சுருக்கம் போன்ற மொழிபெயர்ப்பு உத்திகளைக் கையாண்டுள்ளார். அதேவேளை, அவர் தனது மொழிபெயர்ப்பு பணியில் நேர்த்தியாகவும், ஹதீஸ்களின் கருத்துக்கள் கெடாமலும், கவித்துவத்தன்மை குன்றாமலும் சிறப்பாகச் செயல்பட்டுள்ளமை இவ்வாய்வுக் கூடாக கண்டறியப்பட்டுள்ளது. Mon, 01 Nov 2021 00:00:00 GMT http://ir.lib.seu.ac.lk/handle/123456789/5847 2021-11-01T00:00:00Z